周六凌晨德甲獨腳戲，緬恩斯主場迎戰慕遜加柏；兩隊近期狀態急速冒起，進攻力量得到極大提昇，制造唔少大手交易賽果。雙方球員目前信心爆棚，今次交鋒必乘近期強勢再搶攻，預料戰情會極為開放，捧中位數2.5球入球大係明智之選。

　　緬恩斯目前排德甲第5位，連德盃加時晉級在內，最近錄得連贏3仗，最大原因係進攻效率得到極大提昇；德國U21前鋒莊拿芬貝卡特狀態好弗，已經連續4場有波入。雖然緬恩斯防守仲有唔少漏洞，但強大入球能力足以彌補防守嘅不足，睇番緬恩斯近5場比賽，總入球全部開出3球或以上。

　　炒完拜仁特別醒神

　　作客嘅慕遜加柏近期亦有回勇之勢，上星期德盃5比0大破拜仁慕尼黑就係代表作，呢場大勝似乎亦打起咗慕遜加柏嘅狀態同信心，上場聯賽再以2比1力克波琴，兩大前鋒比列安保路同柏利亞都重拾射門鞋，今場有力同緬恩斯駁火，捧大盤穩陣。