今季墨超常規賽進入最後沖刺，季後賽資格仍然競爭激烈，周六朝早FC馬薩特蘭主場迎戰克雷塔羅，兩隊都以趕上季後賽尾班車為目標，對3分係志在必得。FC馬薩特蘭踢法進取，主場出擊更加放膽搶攻，對住唔輸得嘅克雷塔羅預計戰情開放，2.5球入球大值得捧場。

　　頭12位球隊可以進入季後賽，FC馬薩特蘭依家排喺第11位，但只係領先克雷塔羅等3隊2分，最後3輪要盡量搶分。FC馬薩特蘭有射手榜次席嘅巴西射手卡美路辛維素壓陣，呢位前鋒近3仗主場都有入波，喺自己球迷面前比賽特別醒神。FC馬薩特蘭今屆失20球，只係比榜尾嘅迪祖亞拿少，靠嘅就係不斷進攻搶分，主場出擊更加進取，近5仗主場有4次總入球開3球或以上。

　　克雷塔羅搶分唔會縮

　　排第14位嘅克雷塔羅為爭入季後賽，近期演出不斷進步，近5場聯賽2勝3和，球員信心明顯提昇，由於常規賽只係得番3場，今仗面對直接競爭對手肯定想全取3分，作客亦會主動求勝，相信兩隊會制造唔少入球機會，2.5球嘅大盤好大機會開出。