星期四一早世杯外中北美洲区尾场，榜首嘅墨西哥作客萨尔瓦多。墨西哥盛产高质前锋，领队马天尼精于高压进攻战术，实行丧攻对手，今场对住私房菜萨尔瓦多，誓要全取3分保持领先优势，热捧客Ｗ。

墨西哥今轮国际档期先于主场1比1打和加拿大，次仗对洪都拉斯亦系主场出击，结果大胜3比0。「仙人掌」领队马天尼一向喜欢高压进攻，今次召入多名喺海外搵食嘅中前场球员，包括拿玻里前锋夏荣罗辛奴、狼队射手鲁尔占美尼斯及波图中场捷西斯哥朗拿，另外贝迪斯嘅古亚达度及马德里体育会嘅赫达靴里拉都入选大军，攻力绝对信得过。

萨尔瓦多遇强冇运行

世界排名65嘅萨尔瓦多，球员主要效力国内球会，另加几名美职及美甲球员，整体实力一般，佢哋系中北美洲区5战1胜2和2负，夹埋入得2球，攻力欠奉。萨尔瓦多能够由第一圈打到入依家第三圈，全因为签运好，之前嘅对手全部世界排名过100，呢一圈对住中北美洲嘅劲旅，实时现形。

榜首墨西哥暂时只领先美国及巴拿马3分，亦同第4位嘅加拿大得4分距离，要稳夺前3名攞到明年世杯入场券，对住弱旅唔会手软，加上佢哋近8次对萨军录得全胜，今场只要发挥正常，3分手到拿来，客胜热得有道理。