今晚世杯外欧洲区I组重头戏，英格兰喺温布莱主场遇上匈牙利。英格兰于小组遥遥领先，无论主力或副选都弗到漏油，争取入波冇乜困难；匈牙利上仗输完畀阿尔巴尼亚，为出线唔可以再缩。睇番英军近5仗世杯外主场赛事，4次开3球或以上，再追2.5球入球大。

　　「三狮兵团」领队修夫基上仗担心草地情况唔理想，加上对手较弱，作客安道尔派出轮换阵容，结果都大炒5比0，基亚利殊获国际赛首个入波，打起信心。事实上佢哋上月作客匈牙利轻松赢4比0，史达宁及哈利卡尼都有「士哥」，今晚主场出击加上主力归位，势必继续抢攻争取入波，不过中坚哈利马古尼因伤缺阵，对后防稳定性或有所影响。

　　匈牙利告急冇得缩

　　匈牙利今夏于欧国杯演出予人惊喜，分组赛同葡萄牙、法国及德国3支劲旅周旋不落下风，当中赛和法国及德国两仗令人印象深刻。不过佢哋喺I组形势唔多妙，上仗主场0比1输畀阿尔巴尼亚，搞到出线告急，今仗为抢分冇得再缩，随时焗住同英军斗攻，但右闸安达博卡要停赛，令到防守力削弱。睇番匈牙利近7仗世杯外入12球失11球，入得又失得，2.5球入球大属好路之选。