世杯外欧洲区C组焦点战，瑞士主场硬撼北爱尔兰。瑞士向来遇强愈强，但遇上死守球队，总系老鼠拉龟冇碇埋手，队长格列沙加今次更因伤倦勤，令组织力进一步受削，加上近年对亲北爱旺少交收，不妨向2.5球嘅入球细埋手。

　　格列沙加倦勤火力减

　　瑞士每逢对住强队分外起劲，近期面对法国、西班牙及意大利均打出超水平，法定时间未输过，主因系对手偏向主动进攻，更有利佢哋打稳守突击。相反，「十字军」每逢出战一啲实力较弱嘅球队，往往因对方死守而冇晒计，暴露出佢哋唔擅主攻嘅问题，喺C组4战录2胜2和，但入得4粒同只失1球，凸显守强攻弱嘅特点。而且队长格列沙加早前喺英超受伤，需要休养3个月，缺少呢位校炮手，进攻组织力即刻大打折扣。

　　北爱虽然实力一般，但胜在有自知之明，经常以顽强防守同敌军周旋，今届4场世杯外取得1胜2和1负，仅落后瑞士3分，而且只失3粒，其中3仗开2球或以下，防守绝不失礼。睇埋双方近5次交手，合共只制造两个入球咁大把，其中喺上月世杯外首循环碰头更系互交白卷，瑞士前锋施费洛域更射失12码，今仗唔慌多波入，宁捧2.5球嘅细盘。