周五深夜世盃外歐洲區H組，塞浦路斯主場迎戰克羅地亞。「格仔兵團」克羅地亞現居H組榜首，整體實力雖遠勝排榜末嘅塞浦路斯，不過球隊踢法趨向保守，經常踢悶戰，塞浦路斯面對強敵來犯預計縮後嚟踢，客隊隨時小勝收工，捧2.5球入球細啱數。

　　克羅地亞畀人印象係多波入，2018世盃決賽對法國輸2比4，今夏歐國盃分組賽3比1擊敗蘇格蘭，其後於16強對西班牙加時負3比5，幾場大戰都出現入球騷，不過如果長追入球大肯定中招，皆因「格仔兵團」更多時喜歡嘆慢板組織推進，再憑個人質素爭取入球，佢哋近7場世盃外就有5次開2球或以下，都係入球細居多。

　　克羅地亞經過2018俄羅斯世盃亞軍嘅高峰期，包括文迪蘇傑等多位克羅地亞老將宣布掛靴，進攻火力難免受削弱，年屆36歲嘅隊長莫迪歷今次獲得重召，當銳嘅韋斯咸中場尼高拉華錫可能要退居後備。

　　塞浦路斯遇強縮住踢

　　塞浦路斯攻力疲弱，今屆世盃外6仗僅入1球，該入球就係今年3月底主場爆大冷1比0擊敗斯洛文尼亞，至於作客克羅地亞僅輸0比1，可見佢哋防線唔係太差，預計佢哋會縮後嚟踢，克羅地亞想入波唔係咁易，2.5球入球細好路。