今晚西甲下游对决，切尔达主场硬撼ＣＦ格兰纳达。切尔达仍然好倚赖伊亚高艾斯巴斯数胡，当佢哑火进攻即陷于瘫痪，格兰纳达未开斋兼失波唔少，为抢分必先做好防守，两军近年碰头旺少交收，2.5球嘅入球细值得捧场。

　　切尔达一向靠伊亚高艾斯巴斯单天保至尊，上季佢联赛攻入14粒之余，更交出13个助攻成为助攻王。嚟到今季，呢位34岁老将状态明显有啲下滑，球队欠缺更多进攻板斧下，开季6仗联赛入得6球，直至上仗以2比0击败利云特，先至打开胜利之门，艾斯巴斯更先开纪录，毕竟呢位队长年纪唔细，当佢冇态或脚风唔顺嗰阵，球队立即死晒火，难怪今季位处下游。

　　格兰纳达专注防守

　　格兰纳达仲衰，开咧6仗联赛只得3和3负未赢过，虽然曾经作客打和巴塞，但今时今日嘅「地上最强」仲有边队会惊，格军试过惨吞华历简奴4蛋，上仗又反输畀皇家苏斯达2比3，只得1仗冇失波，如果想抢分护级，睇嚟要实际啲先搞掂防守。翻查纪录，双方近4次交手，各得1胜2和1负，其中3次开2球或以下，预计今仗唔慌多波入，宁捧2.5球嘅入球细。