今晚有場日職獨腳戲，鳥棲砂岩主場迎戰大分三神，雙方實力及狀態有明顯距離，排第3位嘅鳥棲砂岩近4場贏咗3場，表現大勇。反觀，排尾2嘅大分三神士氣低落，受讓半一都冇著數，直取砂岩上盤。

　　砂岩目前雖然躋身三甲之位，但其實與第4位嘅名古屋鯨魚同分，為保來季亞洲賽資格，基本上已經冇任何失分空間。上場佢哋聯賽擊敗清水心跳，自5月以來首次取得連勝，而且踢法比之前更進取，球員勇於壓前搶攻，特別係巴西後衛卡路士伊度亞度助攻力強，上場更加射入1球。前鋒山下敬大表現亦非常搶眼，佢今季聯賽已經有9球進帳，砂岩攻力有保證，要撕開大分三神防線並唔困難。

　　大分三神近況曳

　　至於大分三神近10場聯賽輸咗7場，整體狀態低迷，就算上場主場以2比0擊敗湘南比馬，仍然不能盡信。同埋大分三神作客成績非常差，近12場聯賽作客全敗，更加唔好期望佢哋今場搶到分。即使今場「讓球盤」鳥棲砂岩讓半一，呢口上盤依然穩陣。