今晚头场由曼城斗阿仙奴，「亿元先生」基亚利殊上轮成功开斋，其余球员亦已经挞着，曼城火力全开；「兵工厂」虽刚于英联杯大胜而回，但后防伤兵着实唔少，面对曼城嘅猛攻，半场都未必招架得住，捧半场主胜。

　　师徒对决阿迪达被睇穿

　　曼城开锣战不敌热刺后，上仗返主场以5比0怒炒诺域治，新加盟嘅基亚利殊亦有进帐。球队依家人脚鼎盛，位位球星为保饭碗落场必去尽，加上佢哋快速踢法食住慢热嘅阿仙奴，近9次联赛交手，曼城全部都喺半场领先。

　　阿仙奴联赛两连败兼冇波入，系球队118年来最差开局，更惨后防天残地缺，身价达5,000万镑嘅中坚宾韦特，早前确诊新冠肺炎今仗多数缺阵，另一中坚加比尔马加希斯亦刚伤愈只系复操咗几日，状态成疑，左闸基兰泰亚尼同样喺上轮伤出，条正选防线随时面目全非。阿仙奴领队阿迪达近期备受压力，今场面对「师傅」哥迪奥拿，睇怕都系朿手无策。既然曼城主Ｗ冇乜肉食，不如转吼半场主胜。