守强攻弱踢稳阵波

　　周五晚欧国盃头场有E组次轮赛事，瑞典于俄罗斯中立场硬撼斯洛伐克。瑞典上仗摆出超强铁桶阵，成功保住1分，相信会继续*求胜嘅策略，小组1哥斯洛伐克有3分在手，今仗唔会轻举妄动，加上近年碰头旺开半场和，不妨追多次。

　　瑞典首轮对住同组实力最强嘅西班牙，虽然排出442阵式，但实际上前中后三线都非常紧密，互相补位同包抄又快又准，喺一人走多一步，加上门将罗宾奥臣多番神救，将士用命之下，成功守和0比0。由于伊巴谦莫域因伤落选，瑞典前线欠缺个人能力较强嘅射手，马古斯贝治上仗又门前失机影响信心，冇强攻本钱下，惟有打番老本行──稳守突击，以先保住防线为大前提，配合阿历山大伊沙克打反击博偷鸡。

　　半场*0比0最旺

　　另一边厢，斯洛伐克首轮爆冷以2比1击败波兰，升上E组榜首，虽然佢哋表现係唔错，但对手先有门将施捷斯尼欠运摆乌龙，下半场仲有基祖华克被逐，赢波明显有幸运成分。既然斯洛伐克依家手握3分，今仗只要唔输都冇乜蚀底，先求稳阵亦可以理解。翻查纪录，双方近6次碰头，瑞典取得3胜3和，不过大部分都入球偏少，其中4仗开半场和，半场*均为0比0，可见大家初段都係步步为营，半场和值得再追。