周日凌晨德国联赛附加赛次回合赛事，德乙3哥基尔返主场迎战德甲尾3嘅科隆。首回合基尔赢1球兼且係作客入球，今仗一定先求稳阵，科隆客场入波能力一般，为免再有闪失唔敢空群而出，加上近年德附旺开半场和，不妨再追。

　　科隆作客唔敢冒进
　　首回合基尔凭西蒙罗伦斯建奇功，作客以1比0击败科隆，兼且拎到一个宝贵嘅作客入球，证明球队喺关键时刻终于一改有前冇后嘅风格，而且收到奇效，今仗返主场出击，大前提係先保住领先优势，踢法完全唔需要太进取。

　　科隆首回合变阵，一向出任左闸或防中嘅祖拿斯赫达改打前锋，可惜呢个奇招未能奏效。不过科隆依家只係落后1球，今仗只要入波即重回起跑线，相反若再失守就万劫不复，何况该队近4场作客只入3球，其中3仗更食白果，客场入球能力麻麻，更加唔敢轻举妄动。

　　连同首回合在内，近6场德附有5次开半场和，当中4次半场*为0比0，可见关乎甲组席位，大家都会小心为上，半场和更值博。