今季西甲争标好睇过戏，原本形势唔错嘅巴塞隆拿上场意外输畀CF格兰纳达，今晚作客斗华伦西亚不容再失，不过华伦仲未脱离降班漩涡，而且近年斗巴塞不落下风，未必冇得打，睇番两军近4次联赛交锋3次总入球达4球或以上，捧3.5球大更为稳阵。 

　　巴塞两周前喺西盃决赛大胜毕尔包4比0，赢得朗奴高文上任后首个冠军，趁住联赛两大争标对手马体会同皇马又相继失分，争做双冠王形势本来向好，点知上周中补赛主场1比2反输畀CF格兰纳达，错失机会升上榜首，呢场波亦印证咗巴塞防守确有唔少漏洞，就算美斯状态回勇都有失分危机。

　　华伦近况亦唔算好，4月份联赛5战不胜，不过佢哋一向遇强愈强，今季主场联赛曾经赢过皇马及维拉利尔等前列分子，而且佢哋近6次斗巴塞只曾1败，今季首循环作客鲁营就踢成2比2，依家为抢分护级更加唔会死守；巴塞下轮要同马体会上演冠军前哨战，为保士气同样要全力争胜，既然两军近4次联赛交手共炮製17球，捧3.5球大最好路。