力争下届欧联入场券嘅韦斯咸，今轮英超作客狼队。韦斯咸喺车仔上周六失分下，今场赢波就可以杀入前4，不过佢哋国际赛前4场联赛只得1胜1和2负，防线不稳，今场当然要谂办法*求胜，而且「锤仔帮」最近两次作客狼队都输波，更加会小心行事，佢哋近7场联赛作客6次开半场和，不妨追多一剂。

　　近7场联赛作客6开半和

　　韦斯咸今季发挥出色，前4位置触手可及，剩番最后9场联赛都会搏尽，借将连格固然令球迷惊喜，其实成季最弗係汤马士苏锡克，呢名捷克中场喺国际赛期间发威，对爱沙尼亚一仗大演帽子戏法，今场亦会係狼队后防嘅心腹大患。「锤仔帮」今季成功胜在够稳定，对唔同对手都有同样水准，佢哋今季有长路可捉，作客踢法保守，半场唔会急攻，近7场联赛作客6次开半场和，其中5次开出*「0比0」。

　　狼队今季最失败係放走迪亚高祖达，喺墨西哥前锋鲁尔占美尼斯重创后，阵中冇人可以顶到佢位置，柏度尼图把握力不足，艾达马查奥尔只係识死冲，狼队进攻体系向来倚赖稳守突击，射手嘅角色好紧要，所以球队今季成绩同上季差好远。狼队攻力唔得惟有焗守，查实佢哋都好旺半和，近10场联赛有7场开出半场和，今场绝对追得过。