經歷兩周的國際賽期後，西甲率先於周五耶穌受難日重燃戰火，由利雲特主場迎戰侯爾斯卡打頭陣。各自射手羅渣馬迪和拉菲爾美亞近況一樣勇銳，惟後防同樣欠穩，恐怕雙方都沒有取勝把握，而且歷來三次西甲對壘全數打和，故今仗不妨兼顧和及入球「大」。

　　利雲特於國際賽前最後一輪西甲作客0:2不敵貝迪斯排第十位，各賽事近五仗一勝二和二負狀態欠佳。不過，前鋒羅渣馬迪期間三仗有士哥共入三球表現搶鏡，而且西甲近三次對侯爾斯卡兩次有士哥，今晚有力再破對手大門。

　　可惜，後防隱懮令利雲特勝算大減，上述五戰只有一仗成功保住清白身才招致劣績。該隊教練柏高盧比斯承認，防線仍有待改善：「上仗貝迪斯下半場向我們加強施壓，後防未能及時作出反應以致連失兩球，所以防守效率必須作出改善。」

　　西甲包尾大幡侯爾斯卡踢法積極進取，在勁旅巴塞隆拿和皇家馬德里身上都能取得入球，上輪聯賽主場迎戰奧沙辛拿搶得五成六控球權，創造十五次射門惜運氣欠佳，未能取得士哥才互交白卷，近五輪一勝二和二負，狀態跟利雲特差不多。

　　除此之外，侯爾斯卡一樣有前鋒拉菲爾美亞，近三仗西甲兩場各入一球腳風頗順，今晚有力攻破利雲特大門。不過，該隊後防亦同樣漏洞百出，迄今二十八輪西甲失四十四球屬列強並列第二高。

　　鑑於雙方同樣入得又失得，加上以往三次聯賽對壘全部打和兼有兩次開出2:2波膽，故一於博他們再次「大和解」，要齊和及入球大盤最穩陣，2:2波膽亦不妨試試。