今晚另一场欧联16强次回合大战，近期曳到爆嘅利物浦，会喺匈牙利中立场迎战德甲劲旅RB莱比锡。「红军」今季英超大跌Watt，欧联成为佢哋最大捧盃希望，首回合领先两粒兼係作客入球，今仗挂名「主场」出击，为保住优势睇定嚟踢，2.5球入球细值捧。

红军欧战专注防守

利物浦今季饱受伤患煎熬，上场联赛对富咸再输0比1后，主场已经6连败，前4位置都冻过水，今季捧盃唯一希望就係欧联，必定破釜沉舟。今仗续于匈牙利中立场举行，对佢哋嚟讲唔係坏事，事关可暂时离开近期连战连败嘅晏菲路球场，再者佢哋今季欧联演出比联赛稳定得多，首回合凭穆罕默德沙拿同沙迪奥文尼建功，拎住两粒优势喺手，所有压力都落喺莱比锡身上。

虽然利物浦后防伤兵满营，但为求出线，领队高普对防务要求只会更高，连王牌穆罕默德沙拿早前对车路士一仗亦因「协防不足」被换离场，可见高普对球员防守指令极为重视。事实上「红军」出战欧洲赛非常专注防守，对上11场欧联赛事，有10场法定时间总入球为2球或以下，防守纪律唔错。

RB莱比锡于首回合两度犯错，搞到落后两粒，虽然次回合心急反扑，但新兵苏保斯拉尔及侯斯顿保等主力仲未好番，相信亦唔敢大举出击，2.5球嘅细盘乃明智之选。