英超周中快车重头戏压轴上演，利物浦主场对车路士。两名德国领队大斗法，「红军」主帅高普同「车仔」领队杜曹同样喜用传控战术，尽量希望以控制球赛节奏，减少对后防压力，杜曹上任后9战只失2球，「红军」近况麻麻，「埃及文明」哑火，近6场联赛主场有5场开两球或以下，今场高手过招，随时一招了，未必多波入，推介2.5球入球细。

　　虽然高普同杜曹战术都係传控足球，但高普会加埋高位压迫，以传控足球搵进攻机会，但杜曹则啱啱相反，以传控足球稳住节奏，强调嘅係稳定。

　　车路士改踢稳阵波
　　不过，杜曹以往对住高普往绩麻麻，只得2胜3和9负，现时车路士喺佢重建之下，个势唔错，连盃赛在内上任9场获6胜3和，最重要係防守稳固，9场只失过2球，杜曹想改变一面倒嘅往绩，当然都係以最耍家嘅防守应对高普。

　　利物浦赛前有好消息，迪亚高祖达同法宾奴泰华利斯已经伤愈，前者因病今场仍然要缺阵，但係法宾奴复出绝对係及时雨，虽然佢本身都只係替工，但佢做「长期替工」表现唔错，利物浦有望堵塞番后防漏洞。

　　不过「红军」近期成绩差，最主要係「埃及文明」哑火，上场几经辛苦先至喺下半场攻入包尾嘅锡菲联两粒赢波，入波仲要係靠居迪斯锺斯同一个乌龙波，前面3个都仲係冇货交，今场对住防守力更强嘅车路士，要入波更难，2.5球入球细玩得过。