周六晚多场英超，头场有1哥曼城主场迎战韦斯咸。曼城挟19连胜强势出击，球队喺联赛实力同状态大超班，喺赛程频密下做到点到即止，留住嚟踢，近期喺主场出击，初段入球唔多，锤仔帮亦不敢轻举妄动，1.5球半场细谂得过。

　　曼城气势如虹，各项赛事豪取19连胜，单计联赛亦连赢13场，不过球队4线作战，2月已经踢咗7场比赛，赛程非常频密。主帅哥迪奥拿喺踢法上作出调整，虽然近6场联赛主场有5场初段即取得领先优势，不过见好即收，刻意用控球拖慢比赛节奏，因此半场全开1球或以下，以图减低球员体能消耗，呢6场全胜兼保持不失，效果奇佳。

　　韦斯咸状态不俗，近9场联赛取得7胜1和仅1败，杀上联赛第4位，不过领队莫耶斯出名保守，今场遇强先稳住后防。查实「锤仔帮」踢法一向稳打稳扎，近13场联赛有12场半场开1球或以下，加上双方近4次联赛碰头，半场亦全开1球或以下，不论主队、客队同对赛3条摊路都一样，1.5球个半场细梗係要玩。

　　西布朗斗白礼顿献「细」
　　同日几场赛事心水，西布朗同白礼顿都係攻力唔得，「海鸥」成日都踢得好但就係差埋门一脚，今场入波唔会多捧2.5球入球细。中游大战有列斯联对阿士东维拉，维拉球星基亚利殊因伤肯定缺阵，上场冇佢球队即输畀李斯特城，今场可以放心捧列斯联让平半嘅上盘。（Now 621周日凌晨1时30分直播）至于尾场纽卡素对狼队有个强劲数据，双方近4次联赛交手全开1比1，和波有得谂，亦可小注「1:1」*。