今晚西甲压轴尾场，3哥巴塞隆拿主场迎战艾拉维斯。巴塞近期频频作客攰到爆，下周又要喺欧联16强首回合恶斗巴黎圣日耳门（ＰＳＧ），今仗收起美斯唔奇；艾拉维斯遇强例必死守，1.5球半场细可取。

　　连同盃赛在内，巴塞之前12仗有11场係作客或中立场比赛，都咪话唔攰呀，虽然佢哋近期战绩唔曳，但西超盃失冠、西盃4强首回合对西维尔亦淨吞两蛋，反映出未能长期保持佳态，加上下周中欧联16强首回合要硬撼ＰＳＧ，既然联赛落后太多，今场重要性变得冇咁高，主帅朗奴高文或会收起部分主力，好似上仗联赛赢贝迪斯咁，队长美斯都係先列后备，今仗随时照办煮碗。

　　艾拉维斯攻力疲弱
　　仍然喺下游徘徊嘅艾拉维斯，今季联赛只入19球，係依家西甲入波第3少嘅球队。攻力疲弱为抢分护级，惟有先做好防守，睇番佢哋近8仗作客联赛，7次半场开1球或以下，证明初段够集中几守得。睇番巴塞近期演出亦慢热，各项赛事近7仗半场全开1球或以下，预计初段老鼠拉龟、冇碇埋手，1.5球嘅半场细有买趁早。