今晚英超独脚戏，列斯联主场斗水晶宫。列斯联啲波真係好睇又好玩，近7场有6场开3球或以上，娱乐性十足，水晶宫2连胜状态唔错，虽然韦费特沙夏受伤缺阵，但新加盟嘅桑马迪达可以随时上阵，无损攻力，2.5球入球大唔好错过。

　　列斯联一向进攻大过天，单係射手班福特今季联赛已经贡献11球及5次助攻，球队仲有翼锋积夏里逊同拉芬夏比洛尼等，可以完美执行「疯子领队」比尔沙嘅进攻战术。列斯联战绩唔算标青，但有前无后打死罢就嘅踢法确係娱乐性十足，即使捱眼瞓睇波都觉得值回票价，佢哋近7战合共入11球同失11球，6次开3球或以上，係大盘客恩物。

　　水晶宫新援桑马迪达效率高

　　水晶宫接连击败狼队及纽卡素，士气正盛，虽然韦费特沙夏受伤缺阵，但喺冬季转会窗借入前锋桑马迪达，呢名法国射手效率极高，今季初喺缅恩斯头8场就入咗7球，一度盛传马赛都想斟佢，依家水晶宫有佢助阵，可以弥补沙夏嘅空缺，绝对有力同列斯联斗攻抢分，捧2.5球大啱数。