听朝智甲独脚戏哥甘保主场对科布雷素，哥甘保表现长期低迷，已经沦为榜尾球队，今场即使有地利，恐怕胜算都不大。至于科布雷素作客3连败亦无力发围，考虑到双方近5次对赛，有4次总入球开2球或以下，捧2.5球细最正路。

　　近7仗主场食晒白果
　　现时排包尾嘅哥甘保，联赛连同盃赛近8场主场未尝1胜，而且近7场主场都食白果，有地利都冇优势可言。不过，哥甘保防守尚算合格，近4场主场有2场打和0比0，另有2场仅以0比1落败。

　　科布雷素排紧智甲第13位，但只係多哥甘保6分，佢哋同一般智甲传统弱旅一样，作客成绩唔掂，球队近7场作客只有1胜1和5负，其中4场入唔到波，对住有一定防守力嘅哥甘保，锋将未必搵到食，2.5球细好路之馀，科布雷素近5场作客有4场开半场和，半场和亦可以兼顾。