新帅执靓阵迎击般尼

　　今晚英超头场，车路士主场硬撼般尼。车仔有德籍教头杜曹火速上任，虽然上仗只係打和但表现唔曳，新帅效应不容忽视，佢首要任务係激活「德国孖宝」迪姆华拿及夏维斯，不过般尼挟3连胜之势亦非善类，何况近年联赛碰头例演入球*，2.5球嘅入球大更可取。

　　车仔早前怒炒林柏特，搵上年年尾先失业嘅前圣日耳门教头杜曹接手，用意都好明显，因为今季高价加盟嘅「德国孖宝」迪姆华拿及夏维斯，喺「林伯」麾下愈踢愈沉，车仔希望同乡杜曹能令呢两名德国国脚翻生，释放强大火力。杜曹向来崇尚进攻，致力打造曼城教头哥迪奥拿嘅传控打法，一定会用尽手头上嘅资源。

　　般尼当弗有力还火

　　睇番车仔上周中对狼队，首度领军嘅杜曹变阵3421阵式，赫臣奥杜尔改打右翼衞坚活跃，夏维斯几乎顶入致胜士哥，多名之前唔受重用嘅球员如鲁迪格、佐真奴费路等被委以重任，而「林伯契仔」美臣蒙特后备落场亦表现突出，最终只能同狼队互交白卷，但全场控制战局，传送速度明显加快咗，赢唔到係有啲唔抵，众将为帮新帅打响头炮，一定搏到尽。

　　般尼亦有回勇迹象，上周中激战下以3比2反胜阿士东维拉，连同盃赛在内取得3连捷，士气大振，近7场只得2场交白卷，前锋基斯活特重拾射门鞋，为咗抢分护级，造访近13场只得4场冇失波嘅车仔，实大把偷袭机会。两军近7次联赛交锋，全开3球或以上，车仔只有3场保持清白之身，证明般尼有一定还击之力，不妨捧2.5球嘅入球大。