西甲護級大戰，華拉度列主場對侯爾斯卡。華拉度列6場未贏過，侯爾斯卡更係9場不勝，不過上周聯賽死守逼和前列嘅維拉利爾，令佢哋堅信「守出個未來」，尤其今場作客更加唔會輕舉妄動，侯爾斯卡近4仗全開半場和，一於再追。

　　侯爾斯卡自知技不如人，不論對任何球隊只有一招，就係死守！雖然連盃賽在內，佢哋近9場只得3和6負，但對巴塞隆拿只係僅輸1球，上仗主場斗維拉利爾更由頭守到尾，保持0比0賽果，教練柏捷達近兩場聯賽改用3後衞陣式，球隊已逐漸適應，整體表現明顯有進步。

　　華拉度列穩陣行先
　　華拉度列日前喺西班牙盃對利雲特輸波出局，球隊受到嚴重傷兵困擾影響成績，大軍士氣低迷，縱有主場之利，未必佔太大優勢，兩支同級對手對壘穩字行先，半場和值得追捧。