今晚意盃8强大战，阿特兰大主场硬撼拉素。阿特兰大一向进攻大过天，日前联赛大炒「1哥」AC米兰，尽显强大火力，不过拉素王牌恩莫比尼脚风顺到冇朋友，随时合演入球*，2.5球嘅大盘乃不二之选。

阿特兰大主帅加斯柏连尼崇尚进攻，就算卖走同佢不和嘅多年核心艾真度高美斯，仍然高举进攻旗帜。进攻中场伊利锡自复出后频有助攻，哥伦比亚孖宝杜云沙柏达及路尔斯梅利尔，虽然近期都係轮流上阵，但都交足货，梅利尔近9仗更有8球进帐，沙柏达近7仗亦入5粒，包括上仗大胜AC米兰3比0操刀12码建功，而且佢哋今季6次对住联赛前7名球队，取得3胜2和仅1败狂轰14粒，遇强绝对唔会缩。

至于拉素亦状态回勇，联赛连盃赛豪取5连胜，信心返晒嚟，当然同王牌恩莫比尼有关，呢位射手近8仗只得1场食白果，共入7粒脚风转顺。翻查纪录，双方近5次正面交锋，合共製造22个士哥，其中4仗「总入球」至少开4球，可见大家每次碰头都甚为进取，为杀入4强一定抢攻，2.5球嘅入球大值得捧场。

祖记遇弱大胜冇难度

另一场意盃，祖云达斯主场对住乙组仔史帕尔。由于两军实力强弱悬殊，正所谓杀鸡焉用牛刀，预计祖记会收起C朗、邦路斯等大部分主力，但啱啱康复嘅费达历高基艾沙同马菲斯迪历特同样有料到，今仗遇弱正好畀佢哋操弗状态，大胜冇难度。