今晚英超另一场早场由两支伦敦球队交锋，水晶宫主场斗韦斯咸；水晶宫近况平平，而且主力射手韦费特沙夏续有伤上阵成疑，主场出击相信都唔敢冒进；韦斯咸近期作客大踢稳阵波，联赛连盃赛近7场作客有6次开半场和，不妨再追多次。

　　水晶宫上场联赛淨吞曼城4蛋，联赛连盃赛近9场1胜4和4负，唯一胜仗对手係联赛包尾嘅锡菲联，状态唔算理想，上场因伤缺阵嘅韦费特沙夏未完全康复，今战上阵成疑，对连续3场冇入波嘅水晶宫嚟讲更加雪上加霜，虽然球会早前由德甲缅恩斯借入法国前锋桑马迪达，但呢名23岁射手首次踏足英超，相信亦需时适应，未必能即时起到作用。

　　韦斯咸赛程密未回气
　　韦斯咸上场英足盃主场大胜唐卡士打，各项比赛5连胜气势如虹，不过佢哋周末比水晶宫多踢一场，体力上或有输蚀地方，睇番佢哋近2次作客赢波都係小胜1比0，而且对上7场作客有6次开出半场和，预计今场都係先做好防守，留待换边后先发力，一于再追半场和。