今晚英超头场，狼队主场对住尾2嘅西布朗。西布朗今季作客未赢过，火力疲弱係最大问题，不过狼队周中快车输波之馀，7日踢3仗体力输蚀，未回到气下主场遇弱亦不敢冒进，况且佢哋唔擅长主攻，2.5球嘅入球细最稳阵。

　　狼队于周中快车以1比2输畀爱华顿，依家喺联赛已跌至14位。佢哋不嬲踢惯稳守突击，面对强队以高强度压迫踢法，打断对方进攻节奏，製造溷乱而快速突击入波，不过呢种踢法体力消耗大，喺频密赛程以下未回得切气。

　　与此同时，射手鲁尔占美尼斯又未好番，打突击嗰阵嘅把握力远逊前两季，搞到面对刻意打密集防守嘅对手，狼队往往显得「老鼠拉龟」，以致整体成绩大倒退，即使主场面对入球能力差嘅弱旅时，就算赢波往往「一球起、两球止」，例如联赛对水晶宫及富咸，分别赢2比0及1比0，预计今仗面对死守嘅西布朗，都会陷于苦战。

　　西布朗作客死晒火
　　西布朗客场差劲，近7场联赛作客只得3和4负，当中6场总入球唔多过2球，由于入球能力麻麻，作客只会死守，除咗首场作客惨败畀爱华顿外，甚少被大炒，对住踢法被动嘅狼队，领队艾拿戴斯肯定唔会乱嚟，以1分为目标。何况狼队近9场主场赛事，有7次开2球或以下，捧2.5球入球细最划算。