双蓝会抢分*求胜

　　今晚英超压轴尾场「双蓝会」，车路士主场硬撼曼城。「车仔」自薛耶治养伤火力大减，曼城早前则有5名球员确诊新冠肺炎，虽然今场如期举行，但「蓝月亮」阵容不整，造访强敌必稳阵至上，加上近期转踢守势波，2.5球嘅入球细更好路。

　　「蓝战士」车路士战绩下滑，各项赛事近6场只得1胜2和3负，单计联赛近5场仅1胜，与新兵薛耶治受伤不无关係，呢位前阿积士翼锋既能过关斩将，亦能交出致命一传，令进攻更加锐利。虽然「车仔」中前场人才鼎盛，但在薛耶治倦勤下，近6场仅入7球，与之前9场轰25球相比，攻力真係差成条街。

　　车路士德国孖宝迪姆华拿及夏维斯状态持续低迷，前者喺欧联及联赛已连续11场食白果。箭头基奥特获解冻，儘管呢名法国国脚老而弥坚，车路士上场对维拉亦靠佢先开纪录，可惜喺基斯甸普列锡、赫臣奥杜尔等各自为战下，令基奥特孤立无援，未能拉开比数埋下被追和伏线，依家主帅林柏特备受压力急需反弹，今场必定小心谨慎。

　　蓝月亮5人确诊缺阵

　　另一边厢，曼城王牌阿古路不断受伤患困扰，虽然啱啱好番，但之前对纽卡素门前失机，状态明显未弗。连向来进攻大过天嘅主帅哥迪奥拿都被迫妥协，不时採用无锋阵，并果断弃用表现欠稳嘅中坚拿朴迪，复用史东斯伙拍鲁宾戴亚斯及尼敦阿基扼守中路，喺防线回稳下，「蓝月亮」各项赛事近10场取得7胜3和，若果单计联赛，近12场联赛只失6粒，有11场开两球或以下。

　　曼城有加比尔捷西斯、基尔获加等5将确诊新冠肺炎，上周中对爱华顿临时取消，佢哋今场亦未能披甲，实力受削，今次作客更加唔敢乱攻，入球细有买趁早。