今晚除夕夜有西甲陪球迷送旧迎新，头场有「巴斯克打吡」毕尔包主场硬撼皇家苏斯达。虽然大家排名相差成条街，不过3哥皇苏近9场未赢过波，加上打吡战唔输得实打甩髀，近年联赛碰头又例演入球*，一于捧2.5球嘅大盘。

　　斋睇排名，皇苏依家排第3位，领先中游分子毕尔包8分，不过皇苏于各项赛事近9仗仅得6和3负未赢过，近3仗联赛仲输晒添，难与季初托弗表现相提并论，但对手毕尔包近8仗只係赢得两场，讲状态亦唔好得几多。由于打吡战夹杂太多场外因素、双方恩怨情仇等，呢种由情绪主导嘅比赛，双方球员落到场都分外搏命，学前辈「桂神」话斋，有关两军嘅实力、排名及近况可统统唔理，因为打吡係「战意行先、勇者胜」。

　　近5碰头4开3球或以上
　　既然大家近况坚颓，有乜嘢比赢打吡更能激励士气、提升信心呢？因此战意唔使怀疑。毕尔包虽然战绩麻麻，但一向係主场龙，近5场联赛主场赢4仗，不容小觑。另一边厢早前受伤嘅皇苏进攻中场大衞施华同奥耶沙巴尔（图）已康复，后者对亲同市死敌特别醒神，佢出战近5次联赛嘅打吡战共入4粒，呢5次碰头有4次开3球或以上，今仗随时踢到飞沙噼石，胜负难料，捧2.5球嘅大盘最上算。