双星孭飞狙击艾尔切

西甲继续加开快车，马德里双雄分途出击，其中压轴尾场有2哥皇马作客艾尔切。皇马自沙治奥拉莫斯同宾施马伤愈复出后，连场报捷之馀更擅抢开局，相反艾尔切初段例差，难挡「银河舰队」一开波就狂轰勐炸，半场客胜抵玩。（Now 632周四凌晨4时30分直播）

皇马摆脱早前低潮，尤其係中坚沙治奥拉莫斯好番之后，的确令防线稳住，联赛连盃赛在内，豪取6连胜之馀更只失两粒，唔单止喺欧联涉险过关，于联赛亦升上次席，可见呢位队长嘅重要性。赛前有指皇马同沙治奥拉莫斯续约两年一事，基本上已达成协议，只差丁点附带条件尚未倾掂，绝对可稳定军心。

同样曾受伤患困扰嘅箭头宾施马，自复出后近5场劲入6粒，脚风转顺。值得一提係皇马擅于开局抢攻，上述所讲嘅6连胜均由佢哋先开纪录，其中4次喺上半场已取得领先优势，由头赢到尾，证明主帅施丹嘅闪击战术奏效。

虽然升班球队艾尔切甚少输波，但因为和波偏多导致仲喺下游挣扎，近8场联赛只得5和3负未赢过，而且初段防守特别差，单计近3场联赛仅得1和2负，全部喺上半场已告落后，只得上仗对住弱旅奥沙辛拿先喺比赛末段扳平，点挡得住皇马嘅闪击战呀？想早啲收钱不妨捧半场客胜。

马体会速食基达菲

至于1哥马体会则要出战打吡，喺主场迎战同市球队基达菲。马体会今季开局甚顺，虽然早前喺打吡战输畀死敌皇家马德里，但近10场联赛豪取9胜1负，包括击败巴塞隆拿，气势如虹。相反，基达菲今季最大问题係攻力疲弱，开咧头14场联赛仅入12粒，上季首席射手谢美马达今季只得两球进帐，更连续8场联赛食白果，最惨係中坚艾历卡巴高及左闸阿伦尼安，各自累积5张黄牌，今场需要停赛，真係攻守都唔掂。双方近11次联赛碰头，马体会唔单止全部赢晒，其中10次于上半场已经领先坚抢缰，今场随时再速食对手，半场主胜有计。