今晚另一场较早开波嘅英超，「锤仔帮」韦斯咸主场硬撼白礼顿。韦斯咸近4场联赛赢得1场咁大把，明显跌Watt，不过白礼顿近5场联赛更加未赢过，客场出击必定玩龟缩，既然佢哋呢5仗有4次开半场和，不妨再追。

　　韦斯咸成绩走下坡

　　早前一度3连胜嘅韦斯咸，自从畀曼联反胜后，明显被打窒道气，近4场联赛只得1胜1和2负，当然同季初弗爆嘅米查利安东尼奥因伤缺阵有关，呢位射手喺本月头击败阿士东维拉后开始养伤，冇咗佢喺前线冲散对方防线，加上进攻中场兰仙尼亦未好番，攻力难免受削，难怪战绩走下坡。

　　至于白礼顿成绩更差，开咧14场联赛仅赢两仗，除咗前锋马奥比自10月中开始陷进入球荒外，艾朗干洛尼及韦碧克表现亦时好时坏，攻唔掂惟有做好防守，其实表现尚算硬淨。不过右翼衞兰普堤因伤倦勤，令白礼顿侧击力进一步受削，单计近5场联赛只得3和2负未赢过，入得3粒咁大把，尤其係上仗对住打少个嘅包尾大幡锡菲联，几经辛苦先追成1比1。睇番呢5仗赛果，当中有4次开半场和，预计白礼顿今仗作客都係会摆铁桶阵，稳住防守博偷鸡，既然初段咁守得，半场和有买趁早。