周二凌晨英超独脚戏，白礼顿主场迎战「圣人」修咸顿。白礼顿伤兵一大箩，尤其係中前场，不过胜在后防够硬淨，近6轮联赛仅1败有办你睇，修咸顿射手丹尼艾格斯就算赶及复出亦唔慌有态，而且经历上仗反胜为败后，今仗不敢轻举妄动，加上近年碰头例少波入，宁捧2.5球嘅细盘。

　　白礼顿中前场真係多灾多难，箭头马奥比上仗对利物浦操刀12码宴客之馀，其后更拉伤被迫退下火线，冇咗呢位首席射手已经够惨，连今季加盟不断受伤嘅拉尔拉拿，喺下半场入替冇耐再度打柴，冇埋呢位具创造力嘅前利物浦中场，令「海鸥」进攻大打折扣。唯一喜讯係右翼衞兰普堤今仗刑满复出，相信可加强防守，查实白礼顿近6场联赛取得1胜4和1负，其中4场开2球或以下，可见防守硬淨係哋抢分关键。

　　修咸顿艾格斯伤愈未弗

　　修咸顿今季表现突出，依家位列中游，当中不乏击败爱华顿、打和车路士嘅佳作。但自从射手丹尼艾格斯受伤后，「圣人」战绩开始下滑，近3轮联赛只得1胜1和1负，尤其係上轮领先2球之下，竟被曼联反胜3比2，都几打击士气，今仗一定先做好防守。据报丹尼艾格斯已经复操，主帅夏辛侯迪亦对佢今仗上阵开晒绿灯，不过久疏战阵状态冇乜保证。翻查纪录，连盃赛在内，双方近7次交手，有6次开2球或以下，2.5球嘅入球细乃不二之选。