J神复出硬爆「BB班」防守

　　今晚英超头场，异军突起嘅爱华顿主场迎战曼联。「拖肥」虽然联赛2连败，但全部都係作客，佢哋主场出击特醒，例必抢攻，曼联今季「BB班」防守沦为笑柄，好彩攻力唔曳，加上近年造访葛迪逊公园球场都有士哥，2.5球嘅大盘趁早买。

　　爱华顿连续2场联赛输波，不过要留意，两仗都係作客赛事，而且星级中场「J神」占士洛迪古斯喺上仗输畀纽卡素因伤倦勤，冇咗佢进攻点都差啲，好彩领队安察洛堤赛前透露，呢位哥伦比亚球星今仗有望复出。「J神」呢季英超踢咗6场，入3粒兼交出3次助攻，係「拖肥」进攻泉源，有佢担大旗战力升晒呢。

　　卡维特利云蓄锐数胡
　　除咗「J神」之外，爱华顿今季亦打起咗卡维特利云，呢位英格兰前锋已有8粒进帐，上仗斗纽卡素即使落后2粒仍未放弃，最终喺末段入波，虽然未能扭转败局，但永不放弃嘅态度，係佢不断搵到入波机会嘅主因，今场返主场作赛，又係佢数胡时候，而且爱华顿周中冇比赛可以逸待劳。

　　曼联今季演出时好时坏，啱啱周中欧联作客以1比2输畀巴沙克舒希，防线再次出丑，更遭名宿史高斯狠批係U10赛事嘅水平，防线立立乱毫无组织，唯一喜讯係安东*迪尔能保持水准、以头槌破蛋。红魔以往作客爱华顿成绩唔错，近6次造访葛迪逊公园球场，有5次能取得入球，既然「拖肥」近5场主场全开3球或以上，曼联每次畀人睇死都有惊喜表现，捧2.5球嘅入球大更稳阵。