世界1哥比利时周五凌晨会喺主场同非洲劲旅科特迪瓦拍跳（周五凌晨2时45分开赛），同唔少国家队一样，领队马天尼斯今次挑选33名球员入伍，以应付嚟紧仲有2场欧国联大战，马天尼斯表明唔会有球员连续3场上阵，今场对科特迪瓦肯定尽量畀新人落场，其中首次入选嘅AC米兰中场沙利麦卡斯、科隆后衞施巴斯坦波拿奥、标准列治中坚云侯史顿踢完今仗便会回归U21，3人都有机会正选披甲。

　　至于因伤错过头4轮西甲嘅皇马球星夏萨特有份入选，马天尼斯就话会密切注意佢嘅康复进度，或者有机会喺下周一凌晨作客英格兰嘅大战复出。