美職新軍國際邁亞密有星級班主碧咸揸旗，仲喺季中接連簽入祖雲達斯中場馬度迪及希古恩，野心勃勃。不過，希古恩堅係「地獄黑仔王」，繼首仗操刀12碼宴客，搞到「國邁」不敵費城聯後，昨晨聯賽對紐約城，希古恩二傳畀李維士摩根一度追成2比2，可惜最終都係輸2比3，累計近3仗都贏唔到，搞到「咸爺」冇曬飛士。嚟緊「國邁」周中作客對紐約紅牛，識玩梗係捧對家。

　　新英倫革命旺半場和

　　講開周中美職，新英倫革命要搶分保季後賽席位。值得留意嘅係，革命15場常規賽只入15粒，但僅失12球，失波數字之少僅次東岸1哥哥倫布機員，而且比賽初段特別保守，15場常規賽竟有12仗開半場和，其中9仗半場波膽為0比0，嚟緊周四早上7時半主場迎戰ＦＣ多倫多，隨時再開半場和。