西甲雙雄巴塞同皇馬分途出擊！巴塞隆拿喺壓軸大戰主場迎戰西維爾，巴塞於上周西甲首仗主場出擊，以4比0輕取維拉利爾，朗奴高文新帥第一擊打響頭炮，西維爾近6次作客魯營球場全敗，而且6次均於半場落後，巴塞半場主勝好路。

　　朗奴高文應邀回巢執教後，重用西班牙新星安素法迪，以巴西中場菲臘比古天奴、法國攻擊手基沙文等輔助球王美斯，首仗大勝維拉利爾，周中作客亦大炒切爾達3比0。西維爾今仗縱有拿傑迪錫倒戈，但佢哋近6次到訪魯營全敗兼全部半場已經落後，明顯被巴塞恰死，今場追半場主勝。

　　皇馬讓唔起利雲特

　　至於皇馬就會作客利雲特，衞冕嘅皇馬開季3戰2勝1和，但場上表現欠缺霸氣，而且夏薩特同卻奧斯都受傷唔出得，肯定影響力中組織能力。利雲特向來無懼「銀河艦隊」，近6次交手取得2勝2和2負，包括今年初疫情爆發前曾於主場贏皇馬1比0，今場又再喺地頭出擊，受讓一球之下當然捧下盤。