周三意甲國際米蘭主場迎戰費倫天拿，國際賽前落後榜首的祖雲達斯八分，聯賽還馀四輪情況下仍未絕望，為保爭標希望今仗定必去盡，適逢射手盧卡古上仗已經復出，加上阿歷斯山齊士復賽後當勇，有力攻破客軍防線；事關費倫雖然近五場不敗，但對手只屬聯賽榜下半版球隊，鑑於客軍亦有一定攻力，入球「大」穩陣。

　　國際米蘭在意甲復賽後表現大開大合，曾在主場出現過3:3賽和薩斯索羅，以及6:0大破布雷西亞的賽事，近4場聯賽總入球亦開出4球。雖然阿根廷射手拿達路馬天尼斯表現不及上半季，但阿歷斯山齊士早前頂替因傷缺陣的盧卡古，卻能交出助攻及入球，似乎已回復昔日在意甲賽場威風八面的水准，加上盧卡古上仗已復出兼射入12碼，可謂令國際攻力如虎添翼。

　　國際米蘭近期亦做到「點點開花」，就連艾舒利楊格、基斯坦奴比拉基、高甸、迪維積等守將都先後有進賬，但未知是否顧此失彼，令國際近5場多達4場賽事都錄得失球，今仗隨時又是一場大手交易。事關對手費倫天拿亦已2連勝兼攻入5球，由老將列貝利、費達歷高基艾沙及柏德列古度尼組成的攻擊組合甚有威脅，其中前AC米蘭前鋒柏德列古度尼連續三場有「士哥」，「入球大細」中位數[3/3.5球]寧捧「大」。

　　同日另一場，近6場贏足5場的森多利亞氣勢強勁，今仗回歸主場迎戰弱旅熱拿亞，主勝不妨再追。