復賽之後賽程密到不得了嘅英冠唔經唔覺已經嚟到最後2輪較量，無論爭冠定係保組都已經鬥到入最後直路。有球隊如今已經無欲無求，有球隊則仍然存在搶分壓力，而今日嘅主角卡迪夫城就正正係屬於後者。

　　2020 年 7 月 18 日 (星期六) 22:00

　　米杜士堡 對 卡迪夫城

　　搶分欲望
　　手握67分嘅卡迪夫城目前暫列第六，僅領先身後嘅米禾爾2分，為保住一席升班附加賽資格，卡迪夫城最後2輪毫無失分空間；
　　米杜士堡目前領先倒數第三嘅侯城5分，距離正式上岸尚有一步之遙。不過相較於同本輪仍有極大搶分欲望嘅卡迪夫城博命，米杜士堡瞄準最後一輪對手錫周三顯然更為現實，皆因後者如今已經處於等放假嘅狀態，戰意有幾高大家心照。

　　主客有變
　　進入2020年之後，米杜士堡聯賽主場尚未敲開勝利之門(4和5負)，其中復賽後主場更加遭遇三連敗。

　　剋星來襲
　　雙方過去5次英冠賽場相遇，米杜士堡僅喺2016年贏過一次，其餘全數敗北；
在此4場敗仗中，卡迪夫城無獨有偶都係以1比0取勝。

　　福將回勇
　　卡迪夫城首席攻擊手湯連上仗攻入復賽後首球，而喺今季佢有入球嘅8場聯賽中，卡迪夫城4勝4和保持不敗。