周三英超榜首利物浦繼續向球會史上首個英超冠軍進發，目前只差五分就達標，今仗回歸晏菲路無敵主場斗水晶宮，定以三分為目標。雖然紅軍今仗有祖爾麥迪比及佔士米拿缺陣，不過王牌穆罕默德沙拿將強勢復出；客軍搶夠分正大踢風流波，斗心定不及爭標心切的紅軍，利物浦讓球半/兩球捧上盤。

　　利物浦今季主場威力驚人，英超15戰全勝，場均更攻入2.66球之馀，失球卻只得12球，平均每場不會失多於一球，當中曾以兩球球差擊敗曼城、曼聯及阿仙奴等Big 6球隊，足證晏菲路主場出戰是紅軍的取勝保證。

　　沙拿勢重返正選

　　聯賽重開後的首戰，*在默西賽德打吡作客悶和愛華頓，紅軍予人感覺仍未上力，但事實上該仗紅軍留有一手，有輕傷的沙拿與左閘安德魯羅拔臣均未有上陣，加上「拖肥」有水准演出，紅軍才意外失分。不過今仗紅軍回歸主場將有另一光景，事關上仗有充足休息的沙拿可上陣搏殺，左閘羅拔臣亦有望復出，增強側擊力，而右閘阿歷山大阿諾特乃至紅軍全隊上仗亦備受批評，料今仗回歸主場無敵堡壘勢大踢爭氣波！

　　水晶宮聯賽重開後雖狀態不錯，首戰即作客兩球淨勝般尼茅夫，不過水晶宮所以勝出，與對手實力及狀態太差有莫大關係，今仗作客實力更強的利物浦勢捱打；水晶宮兩名正選中堅加利卡希爾及史葛丹恩分別已34及33歲，轉身及速度定不及沙拿及沙迪奧文尼等紅軍快馬，隨時大敗一場。加上目前水晶宮已搶夠分護級，中場大將麥亞瑟坦言球隊沒想過參加歐洲賽，相信他們已滿足於目前位列中游的成就，斗心定不及紅軍。

　　水晶宮近六次與利物浦交手全敗，領隊鶴臣亦從未領軍贏過紅軍領隊高普，看來這名前紅軍領隊今仗亦大有機會再送三分，搶分心切的紅軍今仗讓球半/兩球照捧上盤。