上季喺升班附加賽決賽憾負無緣升班之後，打比郡新賽季表現一落千丈，近期更加連續7輪未嘗勝績，球隊睇怕都好難喺2019年攞返個尾彩。週二(除夕)凌晨，打比郡將與查爾頓喺前者主場展開1場英冠嘅較量。

　　打比郡今夏被英超豪門車路士撬走領隊林柏特之後，球隊就好似原本一隻披著狼皮嘅羊變咗被人剃曬羊毛嘅綿羊一樣，冇咗靈魂。英冠賽程已經過半，打比郡至今都未試過斬獲連勝，賽季至今取得嘅6場勝利中，有4場只淨勝1球。其中攻擊力絕對係打比郡今季嘅硬傷，哈利威爾遜和美臣莫特離隊對球隊嘅影響十分之大，至今都還未找到兩位攻擊手嘅替代者，只能依靠域漢嘅單兵作戰。就算今仗打比郡擁有主場之利，球隊亦不宜過分高估。

　　作為升班馬嘅查爾頓今季首要目標自然係保組，球隊目前24輪聯賽過後積28分暫時沒有降班危機。其實都係靠聯賽開局一波4勝2和嘅表現幫助查爾頓支撐住，要知道球隊喺上輪聯賽之前已經連續兩個月有多嘅時間未贏過。幸好上仗憑藉M.寶尼嘅梅開二度以及艾菲達奧堤嘅最後時刻入球，查爾頓終於結束頹勢。另外，查爾頓喺首循環面對打比郡時取得3比0嘅大勝，當其時M.寶尼攻入首名入球，相信呢位射手今仗必定會繼續有所作為。