周二凌晨北歐波連場激戰，阿King度咗條心水過關畀大家，重心瑞典超佐加頓斯主場迎戰卡爾馬，佐加頓斯近期走勢強勁，為追趕1哥馬模，呢場波肯定會繼續踩油搶3分，況且對手卡爾馬作客表現麻麻，一於捧主勝。

　　上季聯賽僅排第7嘅佐加頓斯，今季表現脫胎換骨，近期聯賽豪取4連勝，目前12戰積24分排積分榜次席，落後榜首馬模6分但踢少一場；球隊今季引入塞拉利昂箭頭穆罕默德杜雷爾，此子發揮對辦，單計聯賽已有5球進帳，成功加強佐加頓斯攻擊力，加上有中場勐將拿迪特甸納停賽後復出，火力大增，今場面對近4聯賽作客未贏過嘅卡爾馬，估計贏波冇難度。