今晚非洲國家盃輪到F組首輪開打，其中「非洲雄獅」喀麥隆硬撼畿內亞比紹。雖然喀麥隆貴為衞冕之師，但臨開波前先爆出獎金風波，影響士氣，加上於近屆非國盃初段表現慢熱，就算面對弱旅畿內亞比紹頂盡小勝，今仗隨時又煲魚生粥僅僅熟，仲要讓1球，冷敲讓球和好過。

　　非洲球隊經常喺大賽爆出獎金問題，喀麥隆亦唔例外，據報日前「非洲雄獅」眾將拒絕登機，該國足總已發放每人3.5萬美元獎金，但有指球員認為唔啱數，搞到要勞動到前國腳伊度奧出面調停，先至上機，嚴重打擊士氣。除此之外，陣中主力如祖普莫亭、托高伊甘比、森保安古沙等，喺啱啱嗰季嘅表現認真麻麻，狀態令人擔心，亦使衞冕之路呈現暗湧。喀麥隆對上6次出戰非國盃決賽周首戰，贏得1場咁大把，包括上屆首仗打和布基納法索1比1，於初段表現慢熱。

　　近3戰畿內亞比紹都小勝

　　畿內亞比紹係非洲弱旅，歷來只曾於上屆闖進非國盃決賽周，並隨即喺分組賽出局，大賽經驗不足，陣中主力如費特歷文迪、祖迪臣比尼等都喺葡超或英冠等聯賽搵食，質素有限，面對強隊唔敢冒進，加上兩軍近3次碰頭，喀麥隆都係小勝1粒，包括上屆分組賽險勝2比1，預計今場「非洲雄獅」都係小勝格，「讓球主客和」要讓1球，不妨轉捧更好分頭嘅讓球和。