另一場歐國外C組賽事，周三凌晨德國主場擺下擂臺陣，面對弱旅愛沙尼亞。實力強勁嘅德國，近年喺進攻上遇上樽頸，入球能力大不如前，面對擅守嘅愛沙尼亞，「日耳曼兵團」就算贏波都好難大炒對手，中位數4.5球入球細值得留意。

　　德國近年主打嘅傳控戰術已經失效，尤其遇上擺出鐵桶陣嘅對手，往往踢到好似老鼠拉龜，空有控球優勢，具威脅埋門卻少之又少，雖然近期決心改革，起用基拿比同利萊辛尼等翼鋒大打反擊，不過每次主場對住死守陣應戰嘅弱旅，都好難發揮佢哋嘅速度優勢，德國近8次主場出擊只取3勝4和1負，其中有7次開3球或以下，包括僅以2比1擊敗實力麻麻嘅沙特阿拉伯，突破密集防守明顯差啲計，呢場對住愛沙尼亞都好難炒得起對手。

　　吼中位數4.5球細盤

　　愛沙尼亞不嬲以整體防守見稱，近5場作客取3勝1和1負，而且只失過3球，早前作客面對魚腩分子直布羅陀，都只係僅以1比0小勝，睇得出佢哋踢法有幾保守，呢場造訪「日耳曼兵團」肯定擺出血肉長城死守，中位數4.5球入球細好路。