隨住各大歐洲主流聯賽徐徐謝幕，輪到兩大歐洲盃賽上演終極對決，咁蹺都係全英內訌，絕對被稱為英超盛世攞曬彩，今晚先舉行地位較低嘅歐霸盃決賽，爆發倫敦打吡，由車路士硬撼死敵阿仙奴。

　　兩軍在英超表現非常「海鮮」，時好時壞，今次交鋒屬半斤八両。論牌面，有夏薩特嘅車仔點都高啲，不過佢哋喺聯賽位列第3，已肯定可參加下屆歐聯，相比之下，只係「5哥」嘅阿仙奴，就一定要靠勇奪歐霸盃，先可取得下屆歐聯入場券，戰意贏曬。*方面，車仔只係讓平半，但有近2倍嘅高水，略嫌好分得滯，邊有咁大隻蛤乸隨街跳，貪高水者隨時損手爛腳。

　　我經常強調，1場過嘅淘汰賽充滿變數，不能單憑某隊實力較強就可勝出，始終佢哋贏波被認為係理所當然，壓力相對更大，相反，較弱一方冇心理包袱下出戰，隨時出奇制勝，好似日前西盃決賽華倫西亞就爆冷擊敗巴塞，點樣適當地為球員減壓，好考領隊工夫。阿仙奴主帥艾美利3領西維爾入歐霸盃決賽，對手包括利物浦在內有強有弱，但佢都能調整好球員心態作戰，劣勢下臨場調動得宜，呢種經驗係「千年老二」、車仔教頭沙利所欠缺，所以橕兵工廠。