周二亞冠連場激戰，其中H組川崎前鋒將會主場斗上海SP。前鋒今屆出戰亞冠踢法謹慎，尤其開局表現慢熱，相信他們在比賽初段仍會睇定嚟踢，2.15倍半場和值博。

　　以日職冠軍身份參戰嘅川崎前鋒，暫時以1分落後上海SP，屈居H組第3位，爭出線機會未絕望。上屆前鋒分組賽成績墊底，早早執包袱走人，今屆肯定唔想重蹈覆轍，可惜前鋒出戰亞冠慢熱情況未有改善，今屆踢咗4場就有3次半場同對手互交白卷，尤其季初高調加盟嘅巴西箭頭李安度達美奧，至今表現未如理想，令前鋒攻力大受影響，今場相信都會保持一貫控球在腳踢法，伺機而行。

　　上海SP火力麻麻

　　上海SP今季出戰亞冠發揮明顯飄忽，尤其已經33歲嘅巴西前場球星侯克，威力已大不如前，另外本土攻擊手呂文君上輪聯賽傷出，證實右手骨折，今場上陣成疑，進一步削弱球隊火力。況且上海SP首輪主場面對川崎前鋒，都要惡戰到完場前先靠侯克操刀射入12碼全取3分，表現欠缺說服力，今場進攻隨時再遇阻滯，捧番半場和好過。