軍情

　　涉及早前訓練時毆鬥事件的里昂主力費基亞及迪比，上仗聯賽重拾佳態，前者交出兩次助攻，迪比亦先開紀錄；有傳里昂欲邀白蘭斯下季執教，會長奧拿斯坦言這名前法國國家隊主帥是合適人選。

　　雖有傳拜仁慕尼黑力斟里爾首席射手尼高拉斯比比過檔，但暫時只得國際米蘭正式出價求購；這名大勇前鋒上仗又有士哥，今季聯賽已累積20球。不過中場悍將泰亞高文迪斯坐波監，令防守受削。

　　里昂
　　停賽：／
　　上陣成疑：／
　　受傷／缺陣：費蘭特文迪（後衛）、拉菲爾達施華（後衛）

　　里爾
　　停賽：泰亞高文迪斯（中場）
　　上陣成疑：／
　　受傷／缺陣：蘇馬奧路（後衛）、施卡（中場）

　　近況

　　今場是前列兼宿敵大戰，里昂上仗反勝波爾多3比2，聯賽連勝重上正軌，但前3的下屆歐聯席位尚未穩固，今場仍不容有失，必搏盡搶分。聯賽二哥里爾上仗大勝尼姆5比0，火力強勁，面對宿敵必鬥攻；何況對手里昂近期頻跟對手大手交易，首選「入球」大。雙方近4次聯賽交手，里爾未輸過，受讓亦值得捧場。

　　對賽

　　雙方近4次聯賽交手，全開「總入球」3球或以上。
　　雙方近4次聯賽交手，里爾2勝2和。