周日西甲爭入前四的西維爾作客尾三基羅納，西維爾上輪聯賽大炒榜尾的華歷簡奴，士氣大振。今仗作客近態極差的基羅納，力爭贏波保前四，讓半/一照橕上盤。

　　西維爾上周四主場對榜尾華歷簡奴，攻足大半場終靠蒙尼亞艾哈達迪梅開二度，以及多位前線球員建功，5:0大勝，重返前四行列。一對前線拍檔蒙尼亞及賓耶達近期均有「士哥」，有力在近況頗沉的基羅納身上再添入球。基羅納上周中不敵華拉度列，護級形勢頗險峻，加上球隊近況差，聯賽六連敗，且當中不少是護級的競爭對手。今仗迎戰求勝心切的西維爾，或再嘗敗仗。

　　同日另一場，皇家馬德里作客斗榜尾華歷簡奴，上周四皇馬遭爭前四的基達菲摸和，近況仍舊反覆。不過，該場比賽教練施丹收起了卻奧斯及莫迪歷等中場大將，有一度程度的留力。今仗一眾主力料會復出擔正省靚招牌，即使賓施馬賽前稱傷未列入大軍名單，但作客讓一球/球半亦冇有怕，一於敲上盤！