軍情    

　　布拉加的巴西新兵前鋒梅里路哥斯達上輪聯賽為球隊奠勝，今場會繼續擔正，與球隊首席射手迪亞高蘇沙合演雙箭頭；但巴西後衛魯爾米高上輪聯賽膝部受重創傷出，肯定提早收咧。

　　波圖的巴西新星翼衛艾達米列達奧上輪聯賽又有波入，今季在葡超已入3球，繼續有出色表現；阿爾及利亞中場巴謙美也取得今季第8個聯賽入球、星級中堅比比剛戰只踢了半場即退下火線，但只是休息，今場仍可披甲。
   
　　布拉加

　　停賽：／

　　上陣成疑：／

　　受傷／缺陣：馬菲奧斯利馬（門將）、魯爾米高（後衛）、列卡度費利拉（中場）、盧卡斯根夏（中場）

　　波圖

　　停賽：／

　　上陣成疑：／

　　受傷／缺陣：法比安奴（門將）、佐治馬高（後衛）、捷西斯哥朗拿（中場）、馬里奧斯（前鋒）、阿布巴卡（前鋒）

　　近況

　　今場是前列大戰，勝負對爭標形勢有一定影響。布拉加暫排第3，較第2位的波圖及帶頭的賓菲加同樣少5分，今場贏波即可拉近與榜首雙雄的差距；球隊上輪聯賽作客贏塞圖巴爾1比0，近3場聯賽都贏波，氣勢頗盛，不過對賽近績被波圖食住，不易發圍。波圖上輪聯賽主場大勝馬里迪莫3比0，近兩場聯賽全勝，早前歐聯又出線8強，亦增添球員信心；今場作客惡鬥布拉加力足熱捧，而博「入球」細亦好路。

　　對賽

　　兩軍近3次聯賽交手，波圖全勝。

　　兩軍近5次聯賽交手，4次開「總入球」2球或以下。